كبسولات نفسية

كتبت: د/غادة حجاج

تم النشر بواسطة :عمرو مصباح

فن تعديل سلوك الاطفال(التجاهُل)بنسمع كتير من الأباء و الأمهات و ممن يهتم بتربية الأطفال عن مفهوم “التجاهُل” (اعمل نفسك مش شايفه) التجاهُل هو استراتيجيه من استراتيجيات تعديل السلوك زيُه زي اي استراتيجيه اخرى لها شروط و ضوابط و علشان اتجاهل صح لازم اطبق شروطه صح و يكون فيها نتيجه فعلياً مع الطفل طيب ايه هي السلوكيات اللي نتجاهل بيها الطفل ؟ اي سلوك غير مؤذي للطفل او الاخرين .. #مثال – العياط المستمر : مينفعش استخدم التجاهُل مع العياط الناتج عن الجوع او العطش او المرض و لكن لو الطفل بيدعي المرض هروباً من الذهاب إلى المدرسه هنا بنبعد عن الطفل و نقوم بتجاهُل سلوكه مع مُراعاة عدم التقاء الاعيُن بيننا و بين الطفل . خلي بالك : ركز ان التجاهُل مينفعش يكون بشكل مستمر خلي بالك : حاول تحتفظ بتعبيرات وجهك ، اكظم غيظك و تماسك لإن إظهار الغضب يُفسِد فنية التجاهُل