إضحك

كتبت:نهاد شعيشع

إضحك م القلب تلاقى الضحكة بتملى سواقى

إضحك م القلب و جرب قلبك للنور هيقرب

ليه يا صاحبى فى يوم هتكشر و تقول زعلان متأثر

ليه تحقد ليه مش فاهم و تقضى حياتك واهم

مين قال هتجيلك نومة و نيرانك آيمة الأومة

بتحور ليه فى الدنيا و تقول دى كبيرة عليا

ليه تحسد ليه و تنفسن و الأحسن إنك تحسن

إبعد عن حقدك لحظة دى الفرحة فى إيدك جاهزة

إضرب بالفرح و جرب هتلاقى أحزانك تهرب

هي نصيحة و من قلبى قدرنى هتفضل جمبى