خمس صفات تجعلك عملة نادرة

كتبت :شروق محمد

تم النشر بواسطة:عمرو مصباح

٥ صفات تخليك عمله نادرة بقلم الإعلامية : شروق محمد ! ١. ثبات عاطفي ( emotional stability ): بلاش تغضب بسرعة لدرجة انك تظهر في شكل ماحدش يعرفك فيه .. في حاجات قليلة مش بتتنسي منها شكلك في لحظات الغضب .. اجل اي كلمه او رد لتاني يوم و صدقني لو فضلت حاسس بالغضب بنفس الحدة و لقيت ان ده رد الفعل اللي انت محتاجه اعمل اللي انت عايزه .. ٢. وعي ذاتي (Self awareness )في حاجة في الشغل اسمها circle of competencies او دائرة قوتك و دي معناها انك تبقي عارف ايه هي نقاط قوتك و تشتغل عليها و تستغلها .. الشطارة انك تعرف ايه اللي تقدر تعمله و الحرفنه انك تعرف ايه اللي ماتقدرش عليه .. مش كل حاجة بالدراع زي ما لازم تعرف امكانياتك لازم كمان تعرف حدودك .. ٣. الانضباط الذاتي ( Self Decipline )صدقني لو عندك شوية مثابرة هتسبق كل اللي حواليك .. اللي عايزين يتعبوا قليل .. الميل الزيادة اللي بتمشيه غير ان كرم ربنا موجود فيه كمان مافيهوش زحمة .. ٤. تحمل المسؤولية ( Responsibility ) مفيش مكابرة. اول ما تغلط تشيل الكفن و تبدأ تدور علي حلول و تنفذها ساعتها صدقني حتي لو فضلت المشكلة هتكسب احترام الكل . ٥. اشتغل ١٠٠٪؜ حرام تبقي امكانياتك ٣٠٠ حصان و تشتغل بقوة حصانين بس استغل قدراتك كلها في الشغل .. مافيش حاجة اسمها علي قد فلوسهم .. الامانة تكسب المهارة .. صدقني هتاخد اجر امانتك دلوقتي او بعدين .. ربنا عادل اطمن .